نبذة عن الكتاب

أوقات الأزمات بتبقى إمتحان، والعطايا بتبقى برضه إمتحان، افتكر ده دايماً يا ابني، لا تفرح قوي ولا تزعل قوي..." " انت مين إنت علشان تحدد الكمال للي حواليك...." تساءلت الأم بتأثر، تحاول أن تحرر ابنتها الصغيرة من هذا الهم الكبير على سنها. لكن خديجة نفسها كانت بحاجة إلى من يحررها. نظرت خديجة لابنتها بألم شديد، وكأنها فتحت جرح غائر في أعماق قلبها، وحاولت تخفي أثار حزنها، لكن لم تتمكن من حجب اندفاع الدموع من عينيها كأنها سيول مطر بعد سنوات جفاف عجاف. "المحنه اللي احنا فيها دي إمتحان كويس قوي لينا، عشان نقيم حياتنا مع بعض، خلى الوقت هو اللي يحدد ويقرر مصيرنا، يا إما نكمل أو نفترق ....." "ماريا الحياة دي مغامرة جميلة شيقة، صحيح فيها عواصف وأعاصير، بس إحنا دايماً نقدر عليها، لما نعيشها بكل معانيها الجميلة والصعبة، كل شئ في الدنيا له عكسه، النهاروالليل، الحياة والموت، الذكروالأنثى، الشمس والقمر، الصوت والسكون. مطلوب مننا نعيشهم كلهم علشان نتعلم، مش ممكن هاتعرفي النجاح إلا إذا عشتي الفشل. الدنيا منورة لك يا ماريا وفتحالك أبوابها عيشيها بكل حواسك، وما تزعليش لما منعطف مظلم يغير مسارك، لأن بعده نور"