نبذة عن الكتاب

الرواية بتحكي عن فتاه في الخامسه والعشرون من عمرها جميلة حد السحر تدعي (شذي) خريجة كلية الاثار لكن لظروفها المادية والعائلية بتشتغل في نادي رياضي واللي بتتعرف فيه علي (هشام) مدرب كرة السلة بالنادي شاب وسيم لكن ظروفه لا تختلف عنها...وعلشان طبيعي ان يكون في شيطان فكانت (زينب) اللي ابوها صاحب اكبر شركة عقارات في مصر...واللي بتحاول تكسر شذي بانها تاخد هشام...وتزود الموضوع بانها تخلي شذي هي اللي تصمم الفرح من غير ما تعرف طبعا هو الفرح لمين.....وتحصل مشكلة كبيرة وبيضطر هشام ارضاءا لزينب انه يضرب شذي.....
واذ فجأه يظهر الفارس قوي البنيان مفتول العضلات (حو-أن) اللي بينقذ شذي وبيضرب هشام ويرجعها علي بيتها ....وبيعرفها علي نفسه بانه قائد الجيوش في ارض كيمت العظيمة وابن كبير كهنه (امون عنخ واعب)...وبيحكلها عن كوكبه كوكب امون وانه كان مشروع قومي انشأوا (آمون م حاب الثالث) ونقل فيه كل ما هو مهم لاستمرار الحضاره كل انسان مبدع صانع منتج وليس مستهلك....وبيقولها ان كوكب امون بيتعرض لخطر كبير وانها هي المنقذه من لعنة (سوبك نفرو) لوقف النسل وانهاء وجود الكميتين....ونظرا لظروفها السيئه والدنيا اللي اتقلبت عليها بتوافق تكون المنقذه من غير ما تعرف هي ازاي هتنقذ الكوكب وهتضحي بيه.....
وبدور الاحداث بشكل عبقري وننتقل مع الكاتبه لكوكب امون ...عالم اخر حديث متقدم عنده تكنولوجيا جباره حاجة كده عالم من الخيال او بمعني اصح عالم اقتراضي جميل.....وفي كوكب امون بيتغير اسم شذي وتبقي حتحور وزي ما الشر موجود في الارض متمثل في صورة زينب ...الشر علي كوكب امون متمثل في صورة (سخم آس) اللي مش هتقدر تبقي ام فيهمها انها تقضي علي الكوكب كله (تقريبا مشية بمبدأ خراب يا دنيا) و (كا-حم) ضابط المخابرات الاكبر لكوكب امون واللي بيحلم يكون مكان الملك (آمون حتب).....وبترجع تاني الاحداث تدور ما بين محاولة المنبوذين (الشعب الاصلي اللي كان عايش في كوكب امون قبل ما يجي الكميتين) انهم يحافظوا علي روح حتحور علشان يفني الكميتين ...وما بين محاولة الكميتين نفسهم انهم يضحوا بحتحور علشان يفكوا اللعنة.....وبتخلص الرواية ان حتحور انقذت الكوكب وضحت بنفسها لكن سابت قلب (حور - ان) معلق بيها